• সন্ত্ৰাসবাদী কাৰ্য্যকলাপসমূহৰ অনুসন্ধান য’ত দেশৰ বাহিৰৰ পৰা সন্ত্ৰাসবাদী গোটে নিয়ন্ত্ৰণ কৰা বিষয়সমূহ আৰু ৰাজ্যৰ ভিতৰত কোনো ব্যক্তিয়ে সম্পাদন কৰা ভাৰত বিৰোধী কাৰ্য্যকলাপসমূহ অনুসন্ধানৰ আওতালৈ অনা হয়।
• গাড়ী চুৰি, হাৱালা, নিচাযুক্ত দ্ৰব্যৰ ব্যৱহাৰ, স্মাগলিং, জালনোট, মাফিয়া দল, অপৰাধমূলক ছিণ্ডিকেট আদি ওৰ্গেনাইজড বা পৰিকল্পিত অপৰাধৰ ক্ষেত্ৰসমূহত আৰু আভ্যন্তৰীণ সুৰক্ষা আৰু ৰাষ্ট্ৰীয় সুৰক্ষাৰ বাবে হানিকাৰক পৰিকল্পিত অপৰাধসমূহৰ অনুসন্ধান কৰে।
• কাৰ্য্যালয় গোপনীয়তা আইন, ১৯২৩, বিস্ফোৰক পদাৰ্থ আইন, ১৯০৮ আৰু পাৰপত্ৰ আইন ১৯৬৭ ৰ সৈতে সম্বন্ধিত মামলাসমূহৰ পঞ্জীয়ন আৰু অনুসন্ধান কৰা।
• ৰাষ্ট্ৰৰ বিৰুদ্ধে কৰা অপৰাধসমূহ যেনে যুদ্ধ ঘোষণা, ভাৰত চৰকাৰৰ বিৰুদ্ধে ৰাজদ্ৰোহ আদিৰ দৰে অপৰাধৰ অনুসন্ধান কৰা।
• আভ্যন্তৰীণ আৰু ৰাষ্ট্ৰীয় সুৰক্ষাৰ বাবে হানিকাৰক চাইবাৰ অপৰাধসমূহৰ অনুসন্ধান।
• যিকোনো শ্ৰেণীৰ বিশেষ অপৰাধ যি ৰাজ্য চৰকাৰে বিশেষ ৰূপে আঙুলিয়াই দিয়ে তেনে প্ৰকাৰৰ অপৰাধসমূহৰ অনুসন্ধান কৰা।

ইয়াত থকা প্ৰযুক্তি কোষৰ তথ্য খনন সামৰ্থ্য ইয়াৰ এক বিশেষ বৈশিষ্ট্য। প্ৰযুক্তি কোষেই হৈছে এই বিভাগৰ প্ৰধান বুদ্ধিমত্তাসম্পন্ন বিশ্লেষক কোষ যি কোষে গোপনীয় প্ৰযুক্তিগত তথ্যসমূহৰ বাবে ডেউকা হিচাপে কাৰ্য্য সম্পাদন কৰে। স্পেশ্যাল টাস্ক ফ’ৰ্চৰ কাৰ্য্যৰ সুবিধাৰ অৰ্থে এক উচ্চ বিশেষীকৃত গোট আৰু লগতে এটা বিশেষ চাইবাৰ পৰীক্ষাগাৰ আৰু অতিৰিক্ত সা-সুবিধাৰো ব্যৱস্থা কৰি থকা হৈছে।

অসম আৰক্ষীৰ স্পেশ্যাল টাস্ক ফ’ৰ্চ শাখা চৰকাৰী জাননী সংখ্যা HMA 1087/2007/30 তাৰিখ ৭/৭/২০০৮ অনুসৰি ২০০৮ চনৰ জুলাই মাহৰ ৭ তাৰিখে গঠিত হয়। গুৱাহাটীৰ পাণবজাৰত ইয়াৰ কাৰ্য্যালয় অৱস্থিত।